Cybero MMC kibertəhlükəsizlik üzrə ixtisaslaşan ilk yerli təlim mərkəzi olmaqla yanaşı sahə üzrə konfrans və seminarların keçirilməsində də aktiv iştirak etməyi qarşısına məqsəd qoyub. Beləki mərkəz NOPcon Türkiyə ilə əldə etdiyi razılaşmaya əsasən 2018-ci il dekabr ayı üçün Azərbaycanda ilk dəfə NOPcon konfransını təşkil edəcək. NOPcon konfransının bu ildən başlayaraq hər il ardıcıl olaraq ölkəmizdə keçirilməsi nəzərdə tutulmuşdur.
Bundan əlavə, CYBERO MMC Azərbaycanda bir ilkə imza ataraq Kiber təhlükəsizlik sahəsindəki təlimlərinin beynəlxalq certifikatlaşdırılmasını həyata keçirmək üçün İTU-nun Kibertəhlükəsizlik üzrə qlobal reytinqində 3-cü yerdə olan Malaziyanın Kiber Təhlükəsizlik Mərkəzinin “Global Accredited Cybersecurity Education (ACE) Scheme” sisteminə qoşulmaqla bağlı qarşılıqlı anlaşma memorandumu imzalamışdır. Yaxın gələcəkdə CYBERO MMC aşağıdakı istiqamətlərdə Beynəlxalq statuslu təlimlərini və certifikasiya mərkəzini təqdim edəcək:
• CSAP (Certified Secured Applications Professional)
• CISAM (Certified Information Security Awareness Manager)
• CISMS (Certified Information Security Management System — Internal Auditor)
• CDFFR (Certified Digital Forensics First Responder)
• CPT (Certified Penetration Tester)
• CCDA (Certified Cyber Defender Associate)
Artıq CYBERO MMC-nin təlimçiləri “Certified Cyber Defender” təlimi üzrə sertifikatlaşdırılıb və ilk təşkil olunacaq təlimlərin də məhz CCDA sertifikatı üzrə kadrların hazırlanmasına yönəldilməsi nəzərdə tutulmuşdur.
Cybero MMC olaraq məqsədimiz sadəcə ödənişli təlimlər vasitəsi ilə mütəxəssis yetişdirmək deyil, eyni zamanda pulsuz seminarların təşkili, maarifləndirici video çarxların hazırlanması, sosial ayıqlıq layihələri vasitəsi ilə insanları və müəssisələri kiber təhditlərdən xəbərdar etmək, insanlar arasında informasiya təhlükəsizliyinə riayət etikasını formalaşdırmaq və cəmiyyətdə bu sahədəki maarifləndirməni artırmaqdır.
